بعد دخوله الرعاية المركزة.. تفاصيل الحالة الصحية للكاتب بشير الديك

كشفت دينا ابنة الكاتب بشير الديك عن تفاصيل حالة والدها الصحية وذلك بعد دخوله الرعاية المركزة.

وكتبت دينا على حسابه الشخصي بموقع التواصل الاجتماعي فيس بوك: “صباح الخير جميعاً للأسف بابا دخل تأنى الرعاية في  مستشفى.. والمرة دي الموضوع بقى مختلف خالص.. للأسف حالته بعد ما كانت بتحسن شوية بقت ترجع تسوء تأنى”.

وأضافت: المشكلة في الإهمال وعدم الاهتمام بالمرضى.. رحنا امبارح وقت الزيارة لاقينا بابا زاد عدم وعيه وذراعه وارم جداً وبيؤلمه وماحدش كان واخد باله والمفروض إنه في الرعاية، المشكلة الثانية إنه بقى لا قادر يمضغ الأكل ولا يبلعه.. دا غير إنه كان جعان على غير العادة لأنه بالرغم من عدم قدرته على المضغ ولا البلع لكنه أول ما بدأ يأكل بدأ وعيه يزيد.

وأضافت:  ازاي دي رعاية.. ومن كتر قلق ماما وعدم ثقتها في الخدمة المقدمة (اللي هي مش رخيصة بالمناسبة) بقت بتشوف الأدوية اللي بياخدها وبتعرف تأثيرها والآثار الجانبية بتاعتها، وبدأت تناقش الدكاترة في الأدوية دي راح دكتور الرعاية المحترم المتواجد ساعتها قال لها “لو مش قادرين على مصاريف المستشفى روحوا مستشفى تانية…” هل دا رد محترم لدكتور رعاية في مستشفى معروفة بتميزها في الرعاية.

 وتابعت : الصراحة مش دا أول دكتور رعاية هناك يكون بالجليطة دي… وللأمانة الوحيدين المهذبين هناك دكتور صافي مديرة الرعاية ودكتور أحمد سامي دكتور الرعاية… وللأسف مش موجودين طول الوقت… ان شاء الله نخرج منها على خير ونروح مستشفى تانية في أسرع وقت برجاء الدعاء لبابا إنه يقوم بالسلامة ويخرج من النفق المظلم اللي هو فيه دا… أمين