شرط وحيد لـ عادل إمام للعودة إلى التمثيل وهذه تفاصل حالته الصحية
كشف المخرج رامى إمام عدد من التفاصيل عن حياة الفنان عادل إمام وفجر مفاجأة عن عودته الى التمثيل مجددا فضلا عن حديثه بشأن تطورات حالته الصحية.
وقال رامى إمام عبر لقاء ببرنامج et بالعربى : “أنا مش محتاج أطلع أطمن الناس على الزعيم عادل إمام كل شوية لأنه مفهوش حاجة، احنا طول عمرنا من وقت ما كنت صغير انا واخواتي واحنا بنسمع شائعات عننا وعنه، أما نروح شقة يقولوا عمارة عادل إمام لو بناكل في مطعم يقولوا بتاع عادل إمام فبقينا نتعامل مع الموضوع عادي وطبعا مع الوقت الشائعات بتتغير والناس بتقول أنه اكيد مريض لكن طبعا لأ هو كويس جدا جدا جدا وبيستمتع مع أحفاده والشائعات مش بتأثر فينا لأننا متعودين لكن هو شايف ومتابع كل حاجة وساعات بيتأثر بده بس عارف جمهوره كويس ومتفهم أن الحاجات دي طبيعية”.
وأما عن مدى امكانية عودة الزعيم عادل إمام الى الساحة الفنية أكد رامى إمام قائلا : “أن الأمر يعود إلى العمل الذي يعرض عليه، هو مستعد يرجع تاني عادي لكن هو مش عايز يكون موجود لمجرد التواجد، وإن شاء الله لو جاله عمل فني حلو فهتشوفوه تاني عادي”.
وكان الفنان محمد إمام طمأن الجمهور على صحة والده الفنان الكبير عادل إمام، وذلك خلال لقاء تليفزيوني على هامش مشاركته في افتتاح ستديوهات الحصن في المملكة العربية السعودية .
وقال محمد إمام: مفيش غير عادل إمام بس هو اللي نمرة واحد، لأنه حالة خاصة، وهو زي الفل ومفيش أي حاجة .
بينما أكدت الفنانة يسرا أن عادل إمام أسطورة فنية لن تتكرر في هذا الزمان، وذلك بعد رحلة عطاء فنية في المسرح والسينما والتلفزيون استمرت ما يقرب من 50 عاما.
وعن اعتزال الزعيم، أكدت يسرا، في تصريحات تلفزيونية، أن الزعيم في قلوب محبيه وجمهوره وأصدقائه حتى لو قرر الاعتزال.
وقالت: “الزعيم كتر خيره أعطى الفن ما يقرب من 50 عاما من عمره ومن حقه الآن الاستمتاع بحياته مع أسرته وأحفاده”.
